💻📱INTERNET ANGE GOOD NEWS..

Advertisement

દિવાળી સુધીમાં રૂ.૧૦૦માં વર્ષભર ઇન્ટરનેટ આપવાની તૈયારી
વર્ચુઅલ નેટવર્ક ઓપરેટર (વીએનઓ)ની કમાલઃ સસ્તી અને સરળ પહોંચઃ અમેરિકા અને યુરોપમાં વીએનઓ ઘણી લોકપ્રિય છેઃ ટ્રાઇએ ડાટા વીન્ડને મંજુરી પણ આપીઃ અન્ય કંપનીઓ પણ રેસમાં: સરકારે પણ વીએનઓ માટેના નિયમો સરળ કર્યા

દિવાળી સુધીમાં રૂ.૧૦૦માં વર્ષભર ઇન્ટરનેટ આપવાની તૈયારી
નવી દિલ્હી તા.૭ : ટુંક સમયમાં તમે ૧૦૦ રૂ.માં સમગ્ર વર્ષ ઇન્ટરનેટનો ઉપયોગ કરી શકશો. આ બધુ વર્ચુઅલ નેટવર્ક ઓપરેટર (વીએનઓ) થકી શકય બનશે. ટ્રાઇએ આ માટે નવા દિશા નિર્દેશ જારી કર્યા છે. ડાટા વિન્ડને આની મંજુરી મળી ગઇ છે અને આ વર્ષના અંત સુધીમાં તેની શરૂઆત થઇ શકે છે અન્ય કંપનીઓ પણ રેસમાં છે.
શું છે વીએનઓ : આ પહેલાથી દુરસંચાર ક્ષેત્રમાં કાર્યરત પ્રાદેશિક એકમ છે. જે ગ્રાહક સાથે સીધી રીતે સેવાઓ માટે જોડાયેલી છે. તેમાં કેબલ ઓપરેટર, મોબાઇલ નિર્માતા અને ઇલેકટ્રોનીક વોલેટ (ઇ-વોલેટ) અને અન્ય કારોબાર સાથે જોડાયેલ સમૂહ છે. તે કોઇ દુરસંચાર કંપની સાથે મળીને વર્ચુઅલ નેટવર્કની સુવિધા આપે છે.
સસ્તી અને સરળ પહોંચ : વીએનઓ વિડીયો કોલીંગ, ઇન્ટરનેટ અને વોઇસ કોલની સુવિધા પણ આપી શકશે. દેશની મુખ્ય દુરસંચાર કંપનીઓની પહોંચ હજુ પણ બધા ક્ષેત્રોમાં નથી એવામાં કોઇ પ્રાદેશિક કેબલ ઓપરેટર કે અન્ય સેવા પ્રદાતા થકી કે ગ્રાહકો સુધી સરળ રીતે પહોંચી શકે છે. વીએનઓથી આવકમાં હિસ્સેદારી પણ કરી શકાશે. આનાથી ભવિષ્યમાં ઇન્ટરનેટના દરોમાં વધુ ઘટાડાની શકયતા જોવા મળશે.
દિવાળી સુધીમાં શરૂઆત : ડાટા વિન્ડના સ્થાપક અને મુખ્ય કાર્યકારી સુનિત સિંહ તુલીનું કહેવુ છે કે, આ માટે અનેક દુરસંચાર કંપનીઓ સાથે વાતચીત ચાલે છે અને દિવાળી સુધીમાં સેવાઓની શરૂઆત કરી દેવાનુ લક્ષ્યાંક છે તો ઇ-વોલેટ કંપની ઓકિસજન સરકારી દુરસંચાર કંપની બીએસએનએલ સાથે વાતચીત કરી રહેલ છે. તેમનુ કહેવુ છે કે, આ વર્ષના અંત સુધીમાં અમે આની શરૂઆત કરી દેશુ.
કંપનીઓમાં હરિફાઇ વધશે : ટ્રાઇએ વીએનઓના લાયસન્સની વધુમાં વધુ ફી ૭.પ કરોડ રૂપિયા રાખી છે. આનાથી નવા વીએનઓ શરૂ કરવાની સ્પર્ધા વધશે. એવામાં નવા વીએનઓ સાથે જોડાઇને ગ્રાહક સુધી પહોંચવા માટે વર્તમાન દુરસંચાર કંપનીઓમાં પણ આકર્ષણ વધશે.
વીએનઓ દેશના ગ્રામીણ વિસ્તારોમાં ઇન્ટરનેટ પહોંચવાનુ સરળ કરી દેશે. સરકારનું લક્ષ્યાંક ર૦૧૭ સુધીમાં પ્રતિ વ્યકિત ટેલીફોન ઉપલબ્ધતા છે. આ માટે સરકારે વીએનઓના નિયમોને હળવા કર્યા છે. અમેરિકા અને યુરોપમાં વીએનઓ ઘણુ લોકપ્રિય છે. આના કારણે યુરોપમાં પ્રતિ વ્યકિત ટેલીફોન ઉપલબ્ધતા ૧૦૦ ટકાથી પણ ઉંચે પહોંચી ગઇ છે. સ્માર્ટ ફોનના ગ્રાહકોથી વીએનઓની લોકપ્રિયતામાં ઘણો વધારો થયો છે.

posted from Bloggeroid

Share This